28 Nov 2007

තමන් යනු අනුන් ද ?

ධනාත්මක හා උත්ප්‍රේරණය වූ මිනිඅප වශයෙන් අප නිතර දකින්නේ අනාගතයයි. ඒත් ජීවිතයේ කිසියම් මොහොතක මදක් නැවතී ආපසු හැරී බලා මෙතෙක් ආමග දෙසට නෙත් යොමු කර ජීවිතය ස්වයං ඇගයීමකට ලක් කරීමට විරාමයක් ලැබෙන්නේ කළාතුරකිනි.

සමහර අවස්ථාචල ජීවිතය මන් සන්දි වලට පැමිණේ, එහිදී සතර, අට ආදී මාර්ග තිබේ. සමහර මං තමන් වෙනුවෙනි. සමහර මං අනුන් වෙනිවෙනි. අනුන්ද විවිධ වර්ග වේ. තම ලේ මසින් සැදුනි දරුවන්, නීතියෙන් හෝ සිතින් බැඳි සහකරුවන්, වෘත්තීමයය ලෙස බැඳි සුහර්දයින්ද හා පස මිතුරන්ද වෙත්.

මේ අතර අනුන් යයි නොසැලකෙන මේ තමන්ම යයි සිතන කොටසක්ද වෙති. ඒ තමන්ගෙන් සේවයක් බලාපොරොත්තු වන මිනිසුන්ය. උදාහරණයක් ලෙස කිසිදාක නොහඳුනන රෝගියකු සුවපත් කරන වෙදදුරෙකුට ඒ රෝගියා අනුන් නොව තමන්ය. සිසුවකුට පාඩමක් කියාදෙන ගුරුවරයාට එම සිසුවා තමුන්ය.

දියේ ගසාගන නාඳුනන අයකු බේරාගන්නට ගොස් දිවිදුන්නකු එය එසේ විය හැකි මුත් නොවන බව විශ්වාස කරයි. රණබිමට යන විරුවකු තම මරණය සිදුවන බව දන්නා මුත් එසේ වනතුරු අද එය වේ යයි නොසිතයි. ඒ ධනාත්මක ජීවිතයයි.

ජීවිත මආ සන්ධි වලදී තීරණ ගැනීමේදී අපට අප ගැන ආත්මාර්ථයෙන් සිතා තීරණ ගැනීමට බැරි ඇයිද ? ආත්මාර්ථය වරදක් බව අප සිතම කියන්නේ ඇයිද ? අනුන්ගේ යහපතට අපට දුක් ලැබෙන තීරණ ගත යුත්තේ මන්ද ? හැරදා යා නොහැකි දේ ලොව ඇතිද ? මරණය යනු සියල්ල අතහැර යාමක්ද ? නැවතීමක් කර නැවත කරන ආරම්භයක්ද ?

ජීවිතයට හමු නොවුනු පිටස්තරයකු මා ගැන දන්නේ මොනවාද ? සියඹලාවක පිට පොත්ත අතගා එහි රසය කිය හැකිද ? වසර ගණනාවක් විශ්වාස කල දේවල් එක දිනකින් වෙනස් විය හැකිද ? තවත් කෙනකුගේ ඇතුලාන්තය විනිශ්චයකට භාජනය කිරීමට පිටස්තරයකු හැකිද ?

වසර ගණනාවක අත්දැකීම්වල අගය බිංදුවක් විය හැකිද? පවතින යමක් කළ අයකු හා නොකල අයකුගේ වෙනස කුමක්ද? ජීවිත කාලයකදී උපයා ගත් කීර්තිය ද ධනයද වඩා වටින්නේ ?
එක රැයකින් ඒවා නැතිකළ හැකිද? ගොළුවකු හා කතා කළ හැකි අයකුගේ වාදයක් තිබිය හැකිද? එය සාධාරණද ?

මිනිසෙකුගේ ආත්මය ඔහුගේ වැඩ තුල තිබිය හැකිද ? මාර්ටින් වික්‍රමසිංහ හා මඩොල්දූව වෙන්කල හැකිද ? බර්ටෝල් බ්‍රේස්ට්ගේ නම නොකුයා හෙන්රි ජයසේනට හුණු වටය කළ හැකිද ? දුක්ගන්නාරාළ සහ අහංකාර නගරේ යනු දෙකක්ද ? නිර්මාණයක් සහ නිර්මාණකරුවා වෙන්කර සැළකිය හැකිද ?

මේවාට උත්තර සෙවිය යුත්තේ අනුන්ගෙන් නොව තමා තුලිනි. නිර්මාණයක් නොකළ අයකු එය නොදනී. නිර්මාණකරුවාට නිර්මාණයක් මැණිකකි. නිර්මාණයකට පහරදීම යනු නිර්මාණකරුවා මරා දැමීමට සමානය. සාධාරණ විවේචනයක් යනුවෙන් යමක් තිබේද ? එය සාධාරණ බවට විනිශ්චය කරන්නේ විවේචකයාද ?

තමා තුලට හැරී බලා මිස අනුන් දෙස නොබලන්න යයි කොන්ෆියුසියස් කීවේ ඔහු තුලට හැරී බලාද ? අනුන් යනු තමන් නොවේද ?
එසේ නම් මං සන්ධියකදී තොරාගන්නේ කුමන මගද ?

අනුන්ගේ මගද ? තමන්ගේ මගද ?
තමන් යනු අනුන් නම් යා යුත්තේ අනුන්ගේ මගද ?

මේ වාට උත්තර සෙවීම කලුනික සෙවීමටත් වඩා අමාරුද?
නැතහොත් තමන් අනුන් බව සිතා සතුටු වී ආගමන යාමද ?

27 Nov 2007

කපුටා කවුද මොනවද කරන්නේ ?

කපුටා.com නමින් හඳපන්වන වියුණේ අභෞතුක අයිතිකරු මා වන්නේ එය පිහිටුවීමට අප අත තිබූ එකම ණය පතින් බර පැන දැරීම හා එම අදහස ක්‍රියාත්මක කිරීමටත්, වරින් වර නිර්මාණශීලී ලෙස මං සළකපණු තැබීමටත්, එහි කීර්තිය මෙන්ම ගල් මුල් වලටද ලක්වූ අය වශයෙනි. නමුත් කපුටා යන නම අපට දැම්මේ තුසිතය. ඒ එකට රැස්වූ නිසාය. එය පණිවිඩයක් ගෙන යන්නා යන අරුත දෙන නිසා අපද කැමති වීමු.

අපගේ ජින්ගල් එක වූයේ

කපුටු කාක් කාක් ගොරක ඩේන් ඩේන්
කපුටු කාක් කාක් ගොරක ඩේන් ඩේන්
අවදි කරයි හි-මි-දි-රි-යේ
කපුටා.කොම්
යන්නයි
වෙබ් අඩවියට තිබුනේ පිටු 5 කි. දුන්නේ නොමි‍ලේ ඊමේල් ය. ඒ අදහසට කල රූපණ චූලාගේය. පාප්ප හැදුවේ සරත්ය. පෝස්ටර ගැහුවේ බොක්සිය. අවසාන දෙදෙනාම පරිඝණක නොඅල්ලන අයය.එදා පටන් කපුටා කණ්ඩායම කෙමෙන් විශාල‍ විය.
ඊ මේල් සේවා සපය්න්නා නොමිලේ සේවාව අතහැර දමන විට 60000 කට අප ඊමේල් සපය තිබුණි. පසුව අප ඔවුන් ගූග‍ල්ට බාර දුනිමු. අප ඉන් මුදල් ඉපයූයේ හෝ ඔවුන්ට spam කළේ නැත.
ඉන් පසුව අප සමග විවිධ ප්‍රජා කාර්යන් හි එතකු වූවෝ හා යෙදුනෝ පුටන්ම වීය. ඒ නම අපට පට බැඳුනේ එහෙමය. අප කළ නිර්මාණ අයිතිය ඒවාට බර පැණ සැපයූ ආයතන වලටය. කපුටා නම දුන්නේ ප්‍රචාරණයටය. හුඟක් දේ දුන්නේ ප්‍රජාවට නිකංය. බුද්ධිමය අයිතිය ඒවාට මුල්වූ හා නිර්මාණය කළ ආයතන වල තබාගැනීම ගැන අපට ප්‍රශ්න කළ නොහැකිය. ඒවා ඔවුන්ගේ අයිතීන්ය. නමුත් ඒවා ජනතාවට නිකං දී කල මෙහෙය අප අගය කරමු.

කපුටා එකෙන් හැදී වැඩී උගත් සමහරු දැන් වර්ටූසාය. සමහරු ඇමරිකාවේය, ස්වීඩනයේය, ජපානය, මැද පෙරදිග මෙන්ම ලෝකය පුරාම රටවල සිටිති. සමගරු තමන්ගේම ව්‍යාපාර අරඹා ඇත. සාමානෘ පෙළින් පසු ජීවිත ගැටළු නිසා අධ්‍යාපනය අත හරින්නට සිතුවෝ සමහරු දැන් මොරටුවේ පරිගණක ඉංජිනේතු විද්‍යාව ඉගන ගන්නේ කපුටෙක් වීම නිසාය. මේ අනුව බොහෝ තැන්වල කපුටා කණ්ඩායමේ අය සිටිති. සමහරු අප සමගය, සමහරුන්ට කපුටා මෙන්ම ලංකාවද අමතකය. ඒ සියල්ලෝම නිසා කපුටා නාමය දියුණු වූ බව කිව යුතුය. පිටු 5කින් පටන් ගත් කපුටා.com එක දැන් එක පිටුවකි. නමුත් එහි යොමු තුලින් සර්වර් 7 ක් දුවයි. ඒ කපුටා නිසාය. කපුටා.com නැතත් ඒවා දුවනු ඇත. බොහෝ දේශීය අඩවි කපුටා.com අනුගමනය කළහ. දැන් කපුටා.com තිබුණත් නැතත් ප්‍රශ්නයක් නැත. එහි දරුවෝ වැඩේ ගෙන යත්.

කපුටා.com පරණ පෙනුමෙන් තිබෙන්නේ දේශීය අන්තර්ජා‍ලයේ එක අවදියක සිහි කිරීමටය, සීගිරිය මෙන් නැතත් එය ඔහේ පැවතී නැතිවී යනු ඇත.

කපුටා සමග සිටින ප්‍රජාව කියන පරිදි එය දැන් ප්‍රජාවගේය. ගූගල් ගූගල්ගේ නොවේය. එය අපේ කරගන සිටින්නේ අපය. ගූගල්ට බන්නත් ගූගල් භාවිතා කරයි. කපුටාට බනින අයත් කපුටා අකුරු හා මෙවලම් භාවිතා කරති. ඒ වියුණේ හැටිය.
කපුටා අඩවියෙන යෝමු කරන ප්‍රවෘත්ති, ක්‍රීඩා, සංගීත, යහලු යෙහෙලි, රචනා ආදී විවිධ විටුණු එක් එක් කපුටන්ගේ නිර්මාණය. ඒවා කපුටා මිතුරන්ගේ නිසා එකට බැඳී පවතී. ඒවා වල ප්‍රුතිලාභ එම මිතුරන්ටය. කිසිම ආයතනයකට හෝ තනි අයෙකු ට නොවේ. එයම අප තවම එක්ව සිටීමට හේතුව වී ඇත. විවිධ ආයතන එනු යනු අප දුටිමු. කපුටා තවම යන්නේ මිතුරු කම නිසාය. අප වැඩ කරන ආයතන කපුටා නාමය ගත්තේ අපට උදව් දීමෙනි. ඒවා වලින්ද එම ආයතන මුදල් උපයන්නං නැත. හුඟක්ම දෙන්නේ නිකංය.
එමනිසා කපුටා එක ප්‍රජා කොට්ඨාශක පිළිපිඹුවක් වී ඇත.
you.kaputa.com පුංචි උදාහරණයක්

කපුටා කණ්ඩායමේ කෙතරම් සිටිත්ද යන ප්‍රශ්නයට අපටත් පිළිතුරු නැත.

අපට පෙනෙන හමුවන කපුටා මිතුරන්ට එහා දුක්ගන්නාරාලලා, ජැක්සන්ලා, ප්‍රමූදිතලා වැනි මාධ්‍ය කරවන්ද, සම්පත්, දිලාන්, ශ්‍රියානි, චතුරිකා, ජනක වැනි ග්‍රාමීය නායකයින්ද, ශ්‍රීමාල්, මධුමාදිනි වැනි සිසුන්ද , රම්‍යා, සුලාරි, වජිරා වැනි ගුරුන්ද ජනනාථ, චින්ති, වේරලියද්ද වැනි කලාකරුවන්ද තවත් බොහෝ අයද අප මානව ජාලයේ සිටිති. ඒ සැමට අමතරව අප නොදන්නා දස දහස් ගණනක් කපුටා වෙත එති යති. කපුටාට ගහන ගල වදින්නේ මේ සැමටය. ඔබට පෙනෙන්නේ මේ සැමගේ නියමුවන් පමණකි.

අපගේ සංකල්ප මොනවාදැයි අපෙන් ඇසිය යුතු නැත. අපගේ කාර්යයන් එය පැහැදිලි කරයි. දේශීයත්චය අපගේ අරටුවයි. එය ජාත්‍යන්තරයෙන් අපට පටවන දේශීයත්වය නොව අපේ කමෙන් පොෂණය වී අපෙන්ම බිහිවන දේශියත්වයයි, එය ජාත්‍යන්තරයද පිළිගත් බව කවුරුත් දනී. සාම්ප්‍රදායික දේ අගයබ කරන අප නවීන ලෝකයට ඉන් පාඩම් ගෙන යමු. අතාත්වික එල්බ ගැනීම් වෙනුවට ප්‍රායෝගික විසඳුම් අපගේ අරමුණයි.

අපගේ ගමන සැකසී ඇත්තේ කාලීන අවශ්‍යතා අනුවය. විවිධ මත තුල පොදු අරමුණක් හා ඉලක්ක කරා යෑම අපගේ අභිප්‍රායයි. අවංක වීම හා නිර්දය වීමෙන් ලබාගන්නා ආත්ම ගෞරවය අප අගයමු. ලාභ ප්‍රයෝජන සඳගා ආත්මය පාවා දීම අප නොකරමු. අප කාගේවත් වන්දි භට්ටයන් නොවෙමු. අප තුලම සිට සාධාරණ ලෙස විරුද්ධ මත දැරීමට අයිතිය අපට ඇත.

අප සාමාන්‍ය මිනිසුන්ය. ඉවසීමේ සීමා අපටද තිබේ. අපට ලොකු මිනිසුන්ගේ මෙන් බොරු අවශ්‍යතා නැත. බස් එකේ යාමට ලැජ්ජා නැත. ශිල්ප සයුර පටන්ගන්නා විට අප මිතුරන්ගේ බිරින්දැවරුන්ට තිබූ රන් සම්පත් දැන් බැංකුවේත් නැත. ලංකාවට සම්මාන ගෙනෙන්නට අප ඉන්දියාවේ ගියේ පරිගණක විකුණාය. ඒවා භෞතික දේය. ශිල‍්ප සයුර අපට ඊට වඩා වටී. ශිල්ප සයුර උළෙලට ආ දුක්ගන්නාරාළගේ මාධ්‍ය කණ්ඩායමට වියදම් රාළ ගෙන්ය. රාළගේ පොත නිකුත්වනවිට පිටු 175 ක යුනිකෝඩ් වලින් තැනූ අඩවිය දුබ්න ඒ නිසාම නොවේ, සිංහල යුනිකෝඩ් ජනප්‍රිය කරවන්නටය. රාළ තාම හිතගන ඉන්නේ ඒ ඔහුට දුන් ප්‍රති උපකාරයක් ලෙසය. දැන් රාළගේ අඩවියට දිනකට මිනිසුන් 100 ක් පමණ එති. රාළගේ අඩවියේ ලියවී තියෙන්නේ එය කපුටා විසින් කළ බව නොව සිංහල‍ යුනිකෝඩ් සමූහය විසින් බවය.

සාමාන්‍ය දිවි පෙවෙතක් සහ අපේ රට හදා ගැනීමට අප දන්නා විදියට යමක් කරමු. එයින් අප තෘප්තිය මිස ඇමතිලා ලෙස නවීන යාන වාහන උපයා ගෙන නැත. කිමී 500 ක් දවසට අප යන්නේ බස් එකේය. ඒ ශිල්ප සයුරේ මුදල් ඉතිරි ගන්නටය. බලහුරුවේ බණමඩුවේ අපට නවාතැනක් වන්නේද ඊ නිසාමය. මේ ඉතිරි වන මුදල ආපහු ශිල්ප සයුරටමය. කණ්ඩියපිටවැව, පදලංගල,හිඟුරුකඩුව ගම්වල මිනිස්සු අපට නවාතැන් හා කෑම බීම දුන්නාම ඒවාට හෝටල් වවුචර දාලා මුදල් අරං නෑ අපි. රජයේ සහ පුද්ගලික සමාගම් වල එහෙමයි. ඒ නිසා තමා අප සාමාන්‍ය ආයතනයක් නොවනනේ. බැංකු ගිණුම් හා දේපළ හා වගකීම් සම්බන්ධ නිසා ශිල්ප සයුර ආයතනයක් යටතේ තිබුනාට එය ආරම්භයේ පටන් ක්‍රියාත්මක වූයේ ප්‍රජා වැඩක් හැටියට. ඒකේ ලීෆ්ලට් එකකවත් අප කපුටා, ආයතන හෝ පුද්ගලික නාම කිසිවක් පුම්බා නෑ. නාම යොදාගන්නේ වගකීම සහ අනන්‍යතාවය සඳහන් වන විට පමණයි.

අප තෘප්තියක් ලබන්නේ නියමු ව්‍යාපෘතියක් ලෙස ශිල්ප සයුර තාමත් පවතින නිසාය. එය ඉදිරියට ඇදෙන නිසාය. ජීවත් වීමට සාධාරණ යමක් හොයාගැනීම මිස ලාභ ලභා සැප දිවියක් ගෙවීම හෝ මහා ව්‍යාපාර ගොඩනැංවීම අපගේ අභිප්‍රාය නොවන වග අප සමග වැඩ කරන්නේ දනිති. ඈත සිට අප තිමිර පටල වලින් බලා තීරණාත්මක කරුණු දක්වන්නෝ අප ගැන කිසිත් නොදැන, හා නොදැක මහ පොළව දෙදරා යන අපට දරාගත නොහැකි සිද්ධාන්ත ගොඩ නැංවීම නම් හිතට දුකකි. ඒ අප දුක දැනෙන ගැමියන් නිසාය. මේ නියඟය ගැන මාතින් ලියූ අනාගතයේ දවසක වේරලියද්ද කියන ගීයක්

නුවර කලාවියේ නියඟය

නෙතට උණන මයේ කඳුළු
ගලායන්න ඉඩ නැතිලු
නිසා අපේ කම් කටොලූ
මහ පොළවත් නිදි නැතිලු

කැළේ ගියා නැති පළවැල හොයන්ටා
වැවේ ගියා නැති කුඩමසු නෙලන්ටා
කුසේ ගින්දරෙන් පහනක් අවුලන්ටා
වැස්ස වලාහක මයේ හේනට වඩින්ටා

පිලේ වැනූ වී පැදුරූ
දිරා ගිහින් නැත ඉසුරූ
හඬා කියමි දුක මිතුරු
නෙතින් දොවා මයේ කඳුළු

අහස් ගැබේ ඉර දෙයියෝ දවන්නා
මයේ පැටව් පිල මත්තේ හැපෙන්නා
රැයේ පුරා නිදි නොලබා ගෙවෙන්නා
නියං කලේ විපත් බොහෝ තියෙන්නා

(ගීත රචනය නිරංජන් මීගම්මන෴)

ඒ නිසා අප කියන්නේ සිංහල යුනිකෝඩ් ප්‍රජාව තුලට ගෙන යන කාරියර අප මුල්වූයේ මුදල් හම්බ කිරීමට නොවන බවය. ඒ සඳහා සැලසුම් සකස් කලේ අත්දැකීම් හා පර්යෂණාත්මක කාර්යයන් බවය. ඒ වෙනුවෙන් මමත්, මගේ මිතුරන්ටත්, අප වටා සිටින සෑම අයකුටත් බැණුම් ඇසීමට නොවන බවය. අපට ලඟාවිය හැකි ගේ මානව ජාලය අති විශාලය. වංචනික ලෙස ක්‍රියාත්මක වීමට අවශ්‍ය නම් ඒ සඳහා අන්තර්ජාලයේ විවෘතව කිය කියා නොසිට ඕනෑ දෙයක් කරන්නට අවශ්‍ය මානව ජාලයක් අපට සිටියද, නියම ප්‍රතිදායජයින් සමග යමක් කිරීමට අප උත්සාහ කළෙමු. උපන් ගෙයිම ඒ බිළිදා මරා දමන්නට අප අතරින්ම යමෙක් උත්සාහ දරත් නම්, අපට මේ ටිල කිව හැකිය.

මහා භාරතයේ ක්‍රීෂ්ණා කන්ස් රජ කළ මදුරා පුරවරයෙන් යමුනා නදියෙන් එතෙර ගෝකූල් ගම්මානයට ගෙන ගොස් හදා වඩා සවිමත් කර නැවත මදුරා පුරවරයට ගෙන ආ ලෙසින් යමක් කරන්නට සිදපවේ යයි අප සිතමු. කන්ස්ට ක්‍රීෂ්ණා මරා දමන්නට විවිධ කාර්යයන් කළ මුත්, දෙවියන් විසින් ක්‍රිෂ්ණා ආරක්‍ෂා කළ හැටි අපූරුය.

වොල්ටෙයාර් කීවේ
ටික දවසකට මිනිසුන් වැඩි ගණනක් මුලා කල හැකිය. දිගු කාලයකදී මිනිසුන් ටික දෙනෙකු මුලා කළ හැකිය. එහෙත් දිගු කාලයදී මිනිසුන් විශාල ගණනක් මුලා කළ නොහැකිය.


මේ ටික ටිකක් සැරයි... කපුටා කැමති කොච්චි මිරිස්, මාලු මිරිස් නොවේ
කපුටා.com එකට අවුරුදු 7+ යි. නමුත් අපගේ සිංහලකරණය 1992 කැන්ඩි අකුරැ වැල් වල සිටය. රජයේ මිනින්දෝරුවකු ලෙස ගම්මාන වල සැරිසරද්දී මැලේටරියා 13 ගමණක් හැදුනේ 1983 සිටය. පරිගණක කෙසේ වෙතත් ගමට යන්ට තියෙන කැලෑ උණට දැන් වසර 20+ ය.

කොළඹදී ටියෂන් කාරයන්ට හා පොහොසත් ළමුන්ට දී විකුණා ගත හැකි ශිල්ප සයර හැ. 100 කට එහා ගමකට ගොස් නිකං දී ගමන් විඩාවට අසනීප වන්නේ ලාභයක් ලැබීමටය. මේ ලාභය මුදල් නොව සතුටයි

ඒ සන්තුශ්ඨී පරමං ධනං - සතුට පරම ධනය නිසාය.
2007 ඇමරිකාව එපාවී ලංකාවට ආවේ ඒක සොයාගනය.
2004 දී කොළඹත් අතහැර මොණරාගලට ගියේ ඒ නිසාට.

ඇමරිකාවේ කොළ පතඑපා කියා ආපහු මේ දෙසටම ආවේ උපන් රටට කඹුරන්නටය. ඒ අප ලබා උපන් හැටිය. කපුටා කලුය. ඒත් කපුටීට අමතන්නේ සුදෝ කියාය. කපුටා කලු වීම කපුටන්ට ලස්සනය. කපුටී වෙන කුරුල්ලන් පසුපස නොයන්නේ ඒ නිසාය.

ගම්මාන වල ලඳුවල බඩවැටිවල දවපු අපට 5 පංතියේදී ශිෂ්‍යත්ව දී, ආණ්ඩුවේ ආධාර දී, පඩි සමග පුහුණුව දී, රජයේ රැකියා දී, ව්‍යාපාර අවස්ථාව දී, ජනතා සේවයට ආධාර ප්‍රදාන ලබාදී අපව ගොඩ නැගුවේ මේ රටේ මිනිසුන්ගේ දාඩියෙනි. ඒ යමක් කරයි කියා තියන බලාපොරොත්තුවටය.

ඒ දේවල් ටිකක් හරි ආපහු දෙන්න හදනකොට, ඒකට වල කපන එක නං හොඳ නෑ. කරන කෙනාට යමක් කරන්න දෙනවා මිසක් , යමක් කරන්න හෝ වෙන්න කලින් කලු කණ්ණාඩියෙන් පේන බලලා ද්වේශයෙන් චරිත ඝාතන සිද්ධාන්ත ගොඩ නැගීම තුළින් බලාපොරොත්තු වන්නේ ස්වයං ආත්ම වින්දනයක් හා සමානයි. එකම දේ නැවත නැවත කියා අනිත් අයට පොවන්නට හදන එක සිරසට සමානයි.

අප මේ සිද්ධාන්ත ගොඩ නැගීමේ කලාව මීට පෙර අත් දැක ඇත්තෙමු. එදත් අදත් අප ඔවුනට අනුකම්පා කරනවා විනා වෛර නොකරමු.

අපව විචේචනය කරන අය සමග අප තරහා නැහැ, නමුත් කරුණු නොදැණ කරන අවලාද ගැන දුකයි! හොඳනං හොඳයි!

සංස්කරණය නොකළ හිතට ආ අදහස්, වරදක් කී නම් සමාවන්න, තොප්පිය හරිනං දාගන්න එපා, හැදෙන්න බලන්නඑතකොට හැමදේම ලස්සනයි!

මිතුරන් රැසක් කියන නිසා 30 දා සවස 5.00ට සුදර්ශියේදී හමුවී බහූමානයෙන් අනාගත තීරණයක් ගැන සිතමු.

භෞතික හා අභෞතික සංවාදයේ වෙනස එයයි.

25 Nov 2007

සිංහල යුනිකෝඩ් හද බිදූම - Heart Break Sinhala Unicode

අභෞතික අප සමූහයේ සමාජිකයුන්ට ගෞරවයෙන් කියන අනවශ්‍ය එහෙත් කිය යුතු කතාවක් මේ. කියවා සුදුසු තීරණයක් ගන්න.

අන්තර්ජාලයේ අභෞතිකව හා මහපොළවේ භෞතිකව ක්‍රියාත්මක වීමේදී විශාල වෙනසක් තිබෙනවා. ඔබ සැම හුඟක් මහ පොළවේ ප්‍රජා අත් දැකීම් නැති අය. තියන අය සමාවන්න. ඒ නිසා සිංහල යුනිකේත නිල ව්‍යුහය ද ලංකාවේ අනිකුත් වෘත්තීමය ආයතන වගේ කියා හිතනවා ඇති.

අනේ නෑ!

අපගේ ව්‍යුහය තුල ප්‍රජාචට මිස සාමාජිකයින්ට විශේෂ ප්‍රතිලාභ අත්කර දීමක් නෑ. බලන්න අපගේ පරමාර්ථ,

SUGRP පරමාර්ථ වන්නේ

සිංහල යුනිකේතය සමාජයට ප්‍රතිලාභ ලබාදීමට යොදාගැනීම.
සිංහල යුනිකේතය සමාජයේ ඩිගිටල් පරතරය අව කිරීමට යොදාගැනීම.
සිංහල යුනිකේත විශේශඥ දෑනුම ප්‍රජා අවශ්‍යතා සඳහා ලබාදීම.
සිංහල යුනිකේතය ICT මානව සම්පත් සංවර්ධනයට යොදාගැනීම.
සිංහල යුනිකේත යෙදුම් පර්යේෂණය හා සංවර්ධනය
සිංහල යුනිකේතය ග්‍රාමීය රැකියා අවස්ථා ප්‍රවර්ධනය සඳහා යොදාගැනීම.
සිංහල යුනිකේතය වෘත්තිය සඳහා එකතු වන නවකයන් දිරිගැන්වීම.
දැනුම හුවමාරුව සඳහා සිංහ‍ල යුනිකේත වෘත්තිකයින් එක්සත් කිරීම, ජාලකරණය සහ සංවර්ධනය.
සිංහ‍ල යුනිකේත වෘත්තිකයින්ට ඇති අවස්ථා ප්‍රවර්ධනය.
සිංහල යුනිකේතය තාක්‍ෂණය කාර්යක්‍ෂම ලෙස සහ සදාචාරවත් ලෙස භාවිතා කිරීම ප්‍රචාරණය.
සිංහ‍ල යුනිකේත තාක්‍ෂණ වෘත්තිකයින් දිරිගැන්වීමට ප්‍රතිලාභ අවශ්‍ය
සම්පත් ලබාදීම.
සිංහල‍ යුනිකෝඩ් තාක්‍ෂණ වෘත්තියේ ගෞරවාන්විත භාවය නැංවීම.
සිංහල‍ යුනිකෝඩ් ප්‍රජාවට එකතු විය හැකි පොදු ස්ථානයක් ලබාදීම.
සිංහල‍ යුනිකෝඩ් තාක්‍ෂණය සම්බ්න්ධව අදහස්, සංවාද හා ප්‍රථමාරම්භය.
සිංහල‍ යුනිකේතය පිළිබද තාක්‍ෂණය, ප්‍රතිපත්ති සහ සැලසුම් අධ්‍යනය, යෝජනා හා වාර්ථා කිරීම.
සිංහල යුනිකේත සංවර්ධන උත්සාහයන් අගය කිරීම සහ සහය ලබාදීම.
සිංහල යුනිකේතයේ ප්‍රතිලාභ ළිබඳ ප්‍රජාව දැනුවත් කිරීම.

මේ පිළිබඳව කල විවෘත සංවාදය
http://groups.google.com/group/Sinhala-Unicode/browse_thread/thread/50a12c5484981b41/ce2e37ad7d85a4db#ce2e37ad7d85a4db

මේ දක්වා අප භෞතිකව කළ බොහෝ දේවල බර හුඟක්ම ඉසිලුවේ කපුටා කට්ටිය. අභෞතිකව හුඟක් කතා කරන කරන අයට, භෞතික වැඩකට එන්න කීවාම එන්නේ නෑ, ඉතිං අපිම අදිනවා. අන්තිමේදී අවලාද සහ මඩ අපි මොනවා කලාටද ? බණින කොට හිත රෙදෙන සාමාන්‍ය මිනිස්සු අපි. අපිට බණින්න එපා. ප්‍රජාවට එපා නම් අප ඉවත්වෙන්නම්.
අප සිංහල යුනිකෝඩ් ජනාධිපතිවරණයකට ඉදිරිපත් වී නෑ.

ඇයි සියු නිල ව්‍යුහයක් එහෙනම් ?

සිංහල යුනිකේතය බිම් මට්ටමට හා පාසැල් සිසුනට ගෙනයාම තමා සමූහයට අවශ්‍ය වූයේ. එවිට අමාත්‍යශ, පාසැල්, ICTA සහ අනිකුත් සංවිධාන සමග නිල ලෙස කටයුතු කිරීමට සිදුවෙනවා. ලියුම් කියුම්, ලේඛන , රාජ්‍ය නීති හා මුදල්ද සම්බන්ධ වෙනවා.

එහිදී transparency, accountability, good governence තියාගැනීම විතරක් නොවේ කාර්යක්‍ෂමව ව්‍යාපෘති, කාර්යාල, මානව, ප්‍රවාහන ආදී සම්පත් කළමණාකරණයද අවශ්‍යයි. ඒක Softwware Development process එකකට වඩා ගැඹුරුයි, වගකීම් සහිතයි, Bugs තිබුණොත් නිල මණ්ඩලයම හිරේ. SUGRP හි නිල තල අංතට්ටුවක් නොවී වගකීමක් වෙන්නේ ඒ නිසා.

සමූහය තුල කටයුතු වලින් ස්වයං වගකීමක් අප අත පැවරිලා?
සමූහයේ දැන් අවුරුදු දෙකක් විතර කතා කරලා අපි තාම ෆස්ට් එකේ.
ස්වයංක්‍රීයවම හා කොච්චි මිරිස් වගේ, ප්‍රජාවට දැනෙන පරිදි ක්‍රියාත්මක විම අපගේ ක්‍රමයයි!
එහි ප්‍රතිඵල තිබෙන බව ඔබ දන්නවා.
විශ්වාසවන්තභාවය, කැපවීම, ඉවසීම, ධන වීම රළු බවට ඔරොත්තු දීම වැනි කාරණා නිසා තමා සියඹලා ගහක් වගේ කපුටා කට්ටිය එකට ඉන්නේ. වසර ගණනාවක් අපි වගේ එකට වැඩ කරලා තියෙන ප්‍රජා කණ්ඩායමකට ඉන්නේ LKLUG විතරයි.

අප වසර 7ක ආයතනික ව්‍යුහයක් සහිතව රාජ්‍ය, පෞද්ගලික හා ප්‍රජා ඇගයීමකට ලක්වී තිබීම අපගේ සුවිෂේෂත්වයයි. එම නිසා transparency, accountability, good governence ගැන අප දන්නවා. සියු සමූහයට අප එය ලබාදීමට කටයුතු කරනවා. භෞතිකව ක්‍රියාත්මක වීමට කැමති, නිතර හමුවිය හැකි, පිට පළාත්වල යා හැකි ලෙස නිදහස් අය තමා අප සෙව්වේ. ඔවුන් අපට හමුවුඋනේ අප තුලින්මයි. අනිත් අය අභෞතිකව මිස භෞතිකව ආවේ නෑ. උදාහණය LTRL සියු පුහුණුකාර වැඩ මුලුව.
කපුටා කියන්නේ එක ආයතනයක අය නොවේ.

අපිත් එක්ක වැඩ කරන හුඟක් අය පිට ආයතන වල වැඩ. රාජ්‍ය ආයතන වලට කරන්න බැරි උන දෙයක් අප කරන්න හදන්නේ. එහිදී අප යම් නවමු ක්‍රමචේදයක් අනුගමනය කරනවා. ඒක තරුපහේ ප්‍රජාතන්ත්‍රවාදය නොවන බව අප අවංකවම පවසනවා.

තරුපහේ අන්තර්ජාල ප්‍රජාතන්ත්‍රවාදයේ අනරඝ ප‍ල භුක්ති විඳපු අපේ මහා. සමරනායකයන් ගැන අමතක කරන්නට අපට බෑ ?

කපුටා 2.0 තුල අප එය සංවාද කළා ! අප දිගටම එම මතයේ සිටිනවා. ඕනෑවට වඩා නිදහස ඕනෑම නැත.

අප සමූහය අභෞතිකව විශ්වයේම විහිදුනත්, අත්සනක් ගන්න රටවටේ හෝ පිටරට යන්න අපට හැකියාවක් නෑ ?

ප්‍රායෝගික වී සාර්ථක වනවා මිස අසාර්ථක වන උත්සාහයකට මුල් වෙන්නට අපට බෑ. එනවා කියලා නොඑන අයට, එන්න වෙලාව නැති අයට, ලංකාවේ දිස්ත්‍රික්ක 22 ක යුනිකෝඩ් උගන්නන්න යන්න කතා කරන්න අපට හැකියාවක් නෑ ? කටින් විතරක් ලැබෙන සහයෝගයක් තුල අපට ක්‍රියාත්මක වෙන්න බෑ.

භෞතිකව අපට එකතු වීමට කැමති අය අප අතර සහ ඈත ගම් වල ඉන්නවා. සමාජිකත්ව සංඛ්‍යාවට, නිල තල වලට වඩා භෞතිකව යුනිකේත විහිදුවාලීමටයි අප කතිකා උනේ‍.

නිලයක් යනු වගකීමක් හා සාමුහික බැඳීමක් එය අංතට්ටුවක් නොවේ.
හොඳ සිංහල භාෂා හැකියාවක්, සිංහල දේශන හැකියාවක් සිංහල‍ යුනිකෝඩ් පුහුණු කරුවෙකුට අවශ්‍යයි. ඉංග්‍රීසියෙන් සිංහල යුනිකෝඩ් උගන්නන්න අප හිතන්නේ නෑ.

වසර 2 ක් පමණ ICTA හා අප වෙර දැරුවත්, පාසැල් ජාලයේ සිංහ‍ල යුනිකේතයෙන් තොරතුරු නෑ, ගුරුවරුන් පුහුණු වී නෑ, රාජ්‍ය අංශයේ සිංහල‍ සන්නිවේදනයක් තවම නෑ, පුද්ගලික අංශය සිංහල ගණන් ගන්නේ නෑ, යුනිකේතය හරියට භාවිතා කරන,ප්‍රජාවට උගන්වන නැණස‍ළවරුන් කීයද ඉන්නේ. ඊ තලය වෙඩි කාපු නිසා යුනිකේත අයනම් වැඩි වෙලා!
අප සමූහයේ ප්‍රශ්න ගැන විවෘතව කතා කළා. ප්‍රශ්න ව‍ට විවෑතව මුහුණ දුන්නා. කිසි කලෙක කිසිවෙක් සමූහයේ මඩ ගැසුවේ නෑ. දැන් ඒකත් වෙනවා විවිධ විධියට.

අප community mobulize කළා විවිධ ආකාර වල‍ට, ඒ ප්‍රජාව යම් තිරසාර වැඩ පිළිවෙලකට ගේන්න. සාමාජිකයින් 348 යි.
CSSL එකේ ඉන්නේ 500 ගාණක්. කොළඹ , මොරටුව, ICTA හා ප්‍රජාව එකතු වෙලා Localization කතා කරනවා, ආණ්ඩුව www.gov.lk ගැන ප්‍රජාවට සමග ධනාත්මක සංවාදයකට පිවිසිලා, නැණසළ වල‍ පොඩි එවුන් දැන් තොරතුරු තාක්‍ෂණවේදියෝ වෙන්න ඉගනගන්නවා, නැණසල ව‍ල බාලදක්‍ෂ, බාලදක්‍ෂිකා ආරම්භ වෙනවා, ගමේ දිලාන් තාජ් එකේ ICBP එක දකිනවා, ඉන්දියාව සිංහල යුනිකෝඩ් එකට සම්මාන දෙනවා, මැලේසියාව සියලු වියදම් දීලා අපට එන්න කියනවා සම්මාන දෙන්න හොඳද බලන්න. තව විස්තර ගොඩයි! මේ කපුටා කට්ටිය මුල් වී කල දේවල ප්‍රතිඵල. සමහරු කපුටන්ට වහෙන් ඔරෙන් බණිනවා.

හැමෝම එනවා, ඉන්නවා , යනවා,
සමහරවිට අපටත් යන්නට කාලය හරි. අවුරුදු හතකට පසු එලෙඹෙන දෙසැම්බර් 31 කපුටන්ට තීරණාත්මකයි. මොණරුන්ට අවස්ථාව දැන්.

බිම් මට්ටමට බැහැලා වැඩ කරළා මිසක් යුනිකේතය ගොඩනගන්න බෑ
ඒක අපි දන්නවා. සමහර නැණසල ව‍ලට ගිහින් ගමක රැයක් ගත කරපු, ප්‍රජාවට හාමුදුරුවන්ට කතා කරපු, ප්‍රථම තාක්‍ෂණිකයෝ අපි. යන්තන් සර්විස් කරලා දුවලා ආවේ නෑ අපි. අපි ගියේ අපේ ගම් ව‍ලට පිටරට නොවේ.

අපි ප්‍රායෝගික මිනිසුන්. යමක් කරන හැටි දන්නවා. ඒ ක්‍රමයට මිස සාම්ප්‍රදායික ක්‍රම වලට අපි යන්නේ නෑ, ශිල්ප සයුර තුලින් අප ලෝකයටම එය පෙන්නුවා. සිංහල යුනිකේතයටයි i4D සම්මානය ලැබුනේ. අපට නොවේ.

ඇත්තටම මේවා ලියලා වැඩක් නෑ. වැඩක් කරන කොට එක විදියට නාඩි වැටෙන කණ්ඩායමක් අවශ්‍යයි. එතකොටයි වැඩක් වෙන්නේ.

සිංහල යුනිකෝඩ් පාර්ලිමේන්තුවක සමාජිකයින් වෙන්න අපට බෑ.

එහෙම නං මේ වැඩ පිළිවෙල භාරගන කරන්න කැමති අය කරන්න. කපුටා කට්ටිය ආපහු ගමට යන්නම්. පරණ වැඩ කරගන අපට සද්ද නැතිව ඉන්න පුලුවන්. සෙනසුරාදා රෑ 1.00ට -2.00 ට ජනතාවට සේවය කරන්න අපට තියෙන උණ හොඳ කරගන්න අපි හදපු සමූහයෙන්ම තිත්ත කසාය ලැබිලා තියනවා.

කපුටා කට්ටිය යුනිකෝඩ් නංවන්න මුල් වෙන්න එපානම් අපි අයින් වෙන්නම්. ඒත් යමක් ප්‍රතමාරම්භ කරලා ඒක අවල් කරන සම්ප්‍රදායක් අප අතර නෑ. ජනතාවට සිංහල යුනිකෝඩ් වලින් දියුණු වෙන්න තියන අවස්ථාව අප අවුල් කරන්නේ නෑ. ඒ වගේම කුණු කතා අහලා අපගේ ජීවිත අවුල් කරගන්නත් අපට බෑ. මේ දක්වා කල සෑම දෙයක්ම සමූහයට භාර කරනවා. ICT ප්‍රජා සේවා කටයුතු වල තව දුරටත් යෙදෙනවාද නැතිද කියා කපුටා කණ්ඩායම තීරණයක් ගන්නවා.

ඒ නිසා භෞතිකව සියු සඳහා ක්‍රියාත්මක වීමට කැමති ඔබ සැම
නොවැ 30 දා සවස 5.00 ට BMICH ඉදිරිපිට ඇති සිංහල සංස්කෘතික මධ්‍යස්ථානයට (සුදර්ශිය)එන්න. එහි නුග ගහ යටදී සිංහල යුනිකෝඩ් ව්‍යුහය තනා ගන්න. නිල තල ගැන ගැටෙන්න එපා.

වැඩ කරන්න පුලුවන් අයටයි අවස්ථාව දිය යුත්තේ. ඔවුන් කපුටාද මොණරාද කියා බලන්න එපා. කපුටා එපා නම් කැමති කෙනෙක් අරගන කරගන යන්න. කපුටා අවශ්‍ය යයි සිතෙනවා නම් අපටත් ආත්ම ගරුත්වයක් සහිත මිනිසුන් ලෙස අපේ ක්‍රමයට කරන දේ කරන්නට ඉඩ දෙන්න. ප්‍රතිඵල අපි පෙන්වන්නම්. හැබැයි අපි ලඟ පාර්ලිමේන්තුවේ වගේ තරු පහේ ප්‍රජාතන්ත්‍රවාදය නෑ. තියෙන්නේ අවංකකම, කැපවීම, විවෘතභාවය සහ වගකීම.

නොවැ. 30 භෞතික සාමාජික ප්‍රතිචාර මත කපුටා කණ්ඩායමේ අනාගත සියු සංවර්ක්‍ධන සහභාගීත්වය තීරණය කරනවා.

සමහරවිට මේක සමූහයට වැදගත් ඉතිහාසගත ලියවිල්ලක් නොවේවි. මෙසේ කෙලින්ම ලිවීමට සිදුවීම ගැන කණගාටුයි!
අප තාමත් (+) යි.ඉදිරියට ++ හෝ - වීම ප්‍රජා වගේ + හෝ - ප්‍රතිචාර ප්‍රජාවගේ අවශ්‍යතාවය මතයි.
අපි කෙලින් මිනිස්සු.


සාර්ථක ලෙස අසාර්ථක වීම අසාර්ථක ලෙස සාර්ථක වීමට වඩා වටී.
එතෙක් මේ ගැන තව දුරටත් කතාව නතර කරනවා. ප්‍රතිචාර අනචශ්‍යයි.

නිමී෴

10 Nov 2007

Top Open Source CMS Line Up 2007

Drupal
Joomla!
CMS Made Simple
MODx
TYPOlight
dotCMS
e107
mojoPortal
Plone
Silva
WordPress
Elgg

http://www.packtpub.com/award

I use Drupal
http://www.sinhalaunicode.org

Wordpress
http://www.queen.lk

Joomla was tested and found cool, but some features on utf-8 andling has to improve

Elgg, CMS Made Simple to be tried our soon...

http://www.packtpub.com/index