2006 ජනවාරි 13 දා ඇරඹි සිංහල යුනිකෝඩ් සමූහය ආරමිභ කරමින් ලියූ මේ අදහස පලගැන්වී සිංහල යුනිකේතය අන්තර්ජාලයේ ප්‍රධාන ප්‍රවාහයක් වී ඒ වටා ජන සමුදායක් එක් රැස්වී තිබෙනවා. එයින්ම එය තිරසාර වී අප දුටු අනාගත සිහිනය සැබෑවී තිබෙනවා.
වසර ගණනකට පසුව පැවති 2006 පෙබරවාරි 05 දින නිදහස් සමරුවේ කාහල නාදයේ උද්දාමයෙන් ලියූ මේ අදහසත් අද සඵල වී තිබෙනවා.
දේශාභිමානය එහි අරටුවක් වී, අප රටට වින කළ සතුරන් පරදමින්, අප එක සේසත් වෙමින් සිටිනවා. එක් දේශයක් ලෙස අපට මේ ලෙසින් සතුටු විය හැකි වන්නේ ඒ අරමුණ අරභයා අප ලියූ කියූ දේ පමණක් නොව ඒවා ප්‍රායෝගිකව ක්‍රියාවට නැංවූ හෙයින් ද අපට සමාජයේ ප්‍රවර්ධනයක දායක වන්නට හැකිවීමයි.
අපගේ ගමන වලකාලන්නට ව්විධා‍කාර ප්‍රයෝගයන් එල්ල වූවද අප්‍රහ්ත ධෛර්යය හා නොසැලීම ඉදිරියේ ඒ ප්‍රයන්තයන් හිරු දුටු පිණි මෙන් පහව ගියාහුය. හුඟක් අයගේ නිර්මාණශීලි අදහසුත් ධනාත්මක සහයත් ඊට නොඅඩුව ලද බවද කිව යුතුයි. ඉන් අප සැම ලද තෘප්තියත්, සමූහයක් ලෙස ලබාගත් ජයග්‍රහණත් වඩාත් නිවැරදි සේ පසක් වී ඇති ඒ මාවතේම නැණ නුවණින් ඉදිරියට යාමට අපට ලැබෙන මහත් සවියක්.
අනාගතය දැකීමට මෙන්ම එය ගොඩ නැගීමට පරමාදර්ශ සැපයීම ද රටක බුද්ධිමතුන්ගේ කාර්ය භාරයක්. ඒ සඳහා පහල මට්ටමේ ජනතාව පෙරමුණු ගැන්වීමද බුද්ධිමතුන් විසින් කර ඇති බව අතීතයෙන්ද වර්ථමානයෙන්ද පැහැදිලියි. අප විසින් කරන දේවල් වල ප්‍රතිඵල දීර්ඝ කාලීන නිසා, එක් වරම සැවොම ඒවා වටහා නොගනිත්. ඒ සැවොම එක හා සමාන දැක්මක් නොදකින නිසාය.
අපට සන්නිවේදනය වැදගත් වන්නේ මේ අවස්ථාවේය. ඒ අප දකින දර්ශනය අන් අයටද පෙන්වා දීමටය. ඒ සඳහා පොදු භාෂාවක් තිබීම කොතරම් සුදුසුද ? එහෙත් අප රටේ ප්‍රධාන භාෂා තුනක් පවතී. අප රටේ 80%ක් පමණ කථාකරන්නේ ලියන්නේ එක භාෂාවකි. භාෂා දෙකක් දන්නෝ ටිකය. භාෂා තුනක් දන්නෝ ඊටත් අල්පය.මේ නිසා අවම වශයෙන් ද්වී භාෂා හැකියාවන් වර්ධනය මේ නිසා වෑදගත්ය.
අපට සන්නිවේදනය වැදගත් වන්නේ මේ අවස්ථාවේය. ඒ අප දකින දර්ශනය අන් අයටද පෙන්වා දීමටය. ඒ සඳහා පොදු භාෂාවක් තිබීම කොතරම් සුදුසුද ? එහෙත් අප රටේ ප්‍රධාන භාෂා තුනක් පවතී. අප රටේ 80%ක් පමණ කථාකරන්නේ ලියන්නේ එක භාෂාවකි. භාෂා දෙකක් දන්නෝ ටිකය. භාෂා තුනක් දන්නෝ ඊටත් අල්පය.මේ නිසා අවම වශයෙන් ද්වී භාෂා හැකියාවන් වර්ධනය මේ නිසා වෑදගත්ය.
මේ සඳහා තාක්‍ෂණය භාවිතා කළ හැකි බව අප කියන්නේ මන්ද ?මේ උදාහරණය ඊට නිදසුනකි.
அ ஆ இ ஈ உ ஊ எ ஏ ஐ ஒ ஓ ஔ
භාෂා හැකියා වර්ධනයේ සාම්‍ප්‍රදායික ක්‍රම වේද අතරට ICT ගෙන ඒම අපගේ අරමූණයි. අප ඒ ගැන ව්ශ්වාස කරන්නේ ශිල්ප සයුර ව්‍යාපෘතියෙන් අප ලත් අත්දැකීම් පෙරටු කොටගෙනය. තව වසර තුනකින් එය සත්‍ය බව පිළිගැනෙනු ඇත. එය ක්‍රියාත්මක කිරීමට අපට තිබෙන පහසුකම් හා ගැටළු පිළිබඳව අප මේ අනුව අධ්‍යයනය කරමු. ඒ සඳහා සැකසෙන තාක්‍ෂණික ප්‍රජා සමූහය ICT4UNITY සමූහය වේ.
ජාතික සමගියට විවිධ ක්‍රමවේද තිබුනත් අප දන්නා තාක්‍ෂණය හා බ්ම් මට්ටමේ අත්දැකීම්ද භාවිතා කරමින් ලඟාව්ය හැකි පොදු අරමුණකට ඉලක්කයකි ICT4UNITY.
ICT4UNITY අභිමතාර්තය විවිධ වෙනස් කම් වලින් හා අවිශ්වාසයේ අඳුරු වලාවෙන් වෑසී දුරස්ව සිටින අප රටේ විවිධ ජාතීන් අතර භාෂා හැකියාවන් වෑඩවීමට හා ධනාත්මක සන්නිවේදනය ඇතිකිරීමට අපගේ තාක්‍ෂණික හැකියාවන් යොගැනීම වන අතර , එක මවකගේ දරුවන් ලෙස එකම රටක , එක්සේසත් වීමට මුලපුරන මේ යුගයේ කාලීන අවශ්‍යතාවයක් සපුරාලීමක් ද වෙයි.
තොරතුරු තාක්‍ෂණයෙන් ජාතික සමගිය ගොඩ නගමු.
තොරතුරු තාක්‍ෂණයෙන් ජාතික සමගිය ගොඩ නගමු.
අප ඊට මේ 2009 ලබන 61 වන නිදහස් දිනයේ ප්‍රථමාරම්භය තැබුවා.
සෙත්වේවා!
නිරංජන් මීගමිමන
No comments:
Post a Comment