සතුට වෙනුවට පළමුව දුකක් ඇති උනේ කවුරු හරි බනියිද කියලා ...

UNESCO රේඩියෝවේ කල සාකච්චාවක් ලෝක දැනුම 3 (GK3) සම්පන්ත්‍රණයේ තෝරාගත් දහය අතරට ලංකාවේ අපත් ආවේ මෙහෙමයි. ඒ ඉන්න අනිත් අයගේ රසිකයෝ තමා අපි (ගෝලයෝ කියන්තත් පුලවන් අහනකොට අදහස්. අහක දාන්න කිසිවක් නෑ, ඉතාම සුහදශීලියි, හදවතින් තරුණයි, ලෝක සමාජ ව්‍යවසායකයෝ කියන්නේ එයාලට. අපිටත් එහෙම තැනක් ලැබුනාම ඇතිවන සතුට වෙනුවට පළමුව දුකක් ඇති උනේ. කවුරු හරි බනියිද කියලා. ..

Kamak Ne' :( Den --> :)

Audio Podcast Download




අපි ඕනේ දේකට හිනා වෙන හැඟීම් ආවේග වලින් රට හදන මිනිස්සුනේ.
මේ අපේ රටේ අපේ බසින් අපිම හදපු අපිට වටින දේ ලෝකයා අගය කරන හැටි. අපටත් එහෙම පුලුවන්නම් කොච්චර හොඳද ? මේ සංකල්පයට කියන්නේ k4D. Knowledge 4 development සංවර්ධනය සඳහා දැනුම. යමක් බැහැල කරන්න මිනිසුනට එකතු වෙන්න කැමති, දැනුම, ගටැති තරුණ හදචත් වලට තමා හරියන්නේ.

යසොදරාව ගැන ඊයේ කියවුනා. යසොදරාවත කියෙව්වානම් ඔහෝම කියන්නේ නෑ, අන්තිම කවි ටික www.queen.lk දැම්මා. ඒක තරූණ අයට දැනුම, නිර්මාණශීත්වය, මාධ්‍යකරණය සංවර්ධනය කරන ක්‍රමයක්. සිංහල යුනිකොඩ් සමූහයේ සාමාජිකන්ට ආරාධනා. කතෘලා වෙන්න.

භූතයන්ගේ වත ගොත

භූතයින් ඇතිවූයේ මිනිසුන් භූතයින් විශ්වාස කළ නිසාවෙනි. භූතයින්ට කළ හැකිදේ බොහෝය. බත් වලට වැලි දැමීම අංක එකේ වැඩේය. භූතයින් දවල්ට නොසිටින්නේ උන් ඇඳුම් නොදඳින චාරයක් නැති අය නිසාය. භූතයින්ට නිසි වාසස්ථානයක් නැත. සමහරවිට උන් සිටින්නේ අතහැරිය භූත බංගලා වලය. භූතයින්ට කළ හැකි දෙයක් නැත. භූතයින් අල්ලන ක්‍රම වේදද තිබේ. මන්තරෙන් අල්ලා සිරකර, බොතලයකට දමා ගඟක මූදක දැමීම එක විදියකි. දෙවැන්න භූතයා විසින් කළ කී දෑ විධිමත් අධ්‍යයනයකින් භූතයා සොයාගැනීමය. කෙසේ වෙතත් භූතයින් කවමදාකවත් මහ ලොකු දෙයක් කර නැත. කළ දෙය අනුන්ගේ බත් පතට වැලි දැමීමය.

භූතයෙක් බිහිවන්නේ මරණයෙන් පසුවය. ඒ ජීවත්වබ කාලයේ තෘප්තිමත් ජීවිතයක් ගත කිරීමට බැරි වූ විටය. සතුටින් සිටින මිනිසුන් බේද කිරීමට බත් පතට වැලි දමන්නේ ඒ නිසා විය හැකිය. ඒ ගැන අනුකම්පා කළ යුතු අතර, භූතයා අල්ලා සිරකිරීම හෝ පිං පෙත් පමුණුවා චුත කිරීමට කට්ටඬියො සිටිත්.

ජීවත්ව සිටියදී භූතාත්මයක් ලැබීම නම් මහම කරුමයකි. එය සිදුවූ අවස්ථාවන් The Omen, Exorsist චිත්‍රුපටි වල පෙන්වයි. ක්‍රිස්තියානි භක්තිකයින් සාතන් නම් භූතයකු ගැන සිතති. පිරිත් දේශනා කර අසූ කෙල කෝටියක් භූතයින් පලවා හරියි. භූතයෙකුට මිනිස් ආත්මයක් නැත. භූතාත්මයක් වූ වූ විට සාමාන්‍ය මිනිස් කම්ද නැත. භූත සංස්කෘතිය තුල වටිනාකම් නැත, මහා පණ්ඩිතයකු මෙන්ම කසල ශෝධක විලාසයද ගැනීම අපහසු නොවේ.

භූතයින්ගෙන් මිනිසුන්ට සේවයක් නැත. විවිධාකාරයෙන් තැන තැන පෙනී සිට වැඩ අවුල් කිරීම හා බත් පතට වැලි දැමීම හැර භූතයින්ගේ අලුත් වැඩක් නැත. ත්‍රස්තවාදීන්ට මෙන් භූතයින්ට තැනක් නොතැනක්, වැදගත්කමක් නැත. මනුස්ස ආත්මයක් නැති නිසා ආත්ම ගෞරවයක්ද නැත. අනුන්ගේ ගෞරවය කෙලෙසීමට මැලි නොවන්නේ ඒ බැවින් විය යුතුයි. මිනිසකු කරන කියන දේට සමාජය තුල වගකීමක් තිබුනද භූතයන්ට එසේ නොවේ.

ජීවත්ව සිටියදී භූතාත්මයක් වීමට නම් ක්‍රෝධය , වෛරය, පසුතැවිල්ල, ලැජ්ජාව, අමනකම ආදී සියලු අඥාන ගති තුරුළු කර ගත යුතු අතර එහි උපරිමය ලඟාවූ කල භූතාත්මය ලැබේ යන්න පැරණි විශ්වාසයකි. යමෙකුට භූතාත්මය පළවා හැරිය හැක්කේ ඒ ගති දුරලීමෙන් මිස භූත භාවයේ උපරිමයට ලඟා වීමෙන් නොවේමය. භූතභාවයේ උපරිමය නම් දිනෙක අල්ලා සිරවීමය.

රූපවාහිනිය එපා වීම

චැනල් වැඩිවීම හොඳයි කියලා කවුද කියන්නේ
වැඩිවෙන කොට හැම එකකම කොලිටි බහිනවා
මට හිතෙන්නේ එහෙමයි,
කාලයක් අපි රූපවාහිනී වැඩ සටහන් එනකන්
බලාගන හිටියා සතියක්
ඒවා දැන් බල‍න්න බැරි තරම් පරණයි
දැන් ආසාවට වැඩ සටහනක් හොයා ගන්න බෑ
නොවරදවා බලන්න ,
ඒ හින්දා චැනල් මාරු කර කර
තියෙන ඒවා ඔක්කොම බලනවා
:)

සොරි අනේ !

සමහර මිනිස්සු අහස වගේ
වෙනස් වෙන්නේ වලාකුළු වගේ
කලුවෙලා වහින්න ගත්තට
වැස්ස නෑ
පුංචි හුළඟක් හැමුවාම
පාවෙලා යනවා හරියට වලාකුළක් නෙවේ වගේ
සොරි තමා එයාලාගේ ප්‍රියතම ඉංග්‍රීසි වචනය
සොරි කියන්නේ නොදැන වූ දේකට
ඒත් ඒක මාස ගාණකට සැරයක් මිසක්
සැම දවසකම, සෑම පැයකම,
සෑම කෙනෙකුටම කියනවා නම්,
සොරි තමා!

තමන් යනු අනුන් ද ?

ධනාත්මක හා උත්ප්‍රේරණය වූ මිනිඅප වශයෙන් අප නිතර දකින්නේ අනාගතයයි. ඒත් ජීවිතයේ කිසියම් මොහොතක මදක් නැවතී ආපසු හැරී බලා මෙතෙක් ආමග දෙසට නෙත් යොමු කර ජීවිතය ස්වයං ඇගයීමකට ලක් කරීමට විරාමයක් ලැබෙන්නේ කළාතුරකිනි.

සමහර අවස්ථාචල ජීවිතය මන් සන්දි වලට පැමිණේ, එහිදී සතර, අට ආදී මාර්ග තිබේ. සමහර මං තමන් වෙනුවෙනි. සමහර මං අනුන් වෙනිවෙනි. අනුන්ද විවිධ වර්ග වේ. තම ලේ මසින් සැදුනි දරුවන්, නීතියෙන් හෝ සිතින් බැඳි සහකරුවන්, වෘත්තීමයය ලෙස බැඳි සුහර්දයින්ද හා පස මිතුරන්ද වෙත්.

මේ අතර අනුන් යයි නොසැලකෙන මේ තමන්ම යයි සිතන කොටසක්ද වෙති. ඒ තමන්ගෙන් සේවයක් බලාපොරොත්තු වන මිනිසුන්ය. උදාහරණයක් ලෙස කිසිදාක නොහඳුනන රෝගියකු සුවපත් කරන වෙදදුරෙකුට ඒ රෝගියා අනුන් නොව තමන්ය. සිසුවකුට පාඩමක් කියාදෙන ගුරුවරයාට එම සිසුවා තමුන්ය.

දියේ ගසාගන නාඳුනන අයකු බේරාගන්නට ගොස් දිවිදුන්නකු එය එසේ විය හැකි මුත් නොවන බව විශ්වාස කරයි. රණබිමට යන විරුවකු තම මරණය සිදුවන බව දන්නා මුත් එසේ වනතුරු අද එය වේ යයි නොසිතයි. ඒ ධනාත්මක ජීවිතයයි.

ජීවිත මආ සන්ධි වලදී තීරණ ගැනීමේදී අපට අප ගැන ආත්මාර්ථයෙන් සිතා තීරණ ගැනීමට බැරි ඇයිද ? ආත්මාර්ථය වරදක් බව අප සිතම කියන්නේ ඇයිද ? අනුන්ගේ යහපතට අපට දුක් ලැබෙන තීරණ ගත යුත්තේ මන්ද ? හැරදා යා නොහැකි දේ ලොව ඇතිද ? මරණය යනු සියල්ල අතහැර යාමක්ද ? නැවතීමක් කර නැවත කරන ආරම්භයක්ද ?

ජීවිතයට හමු නොවුනු පිටස්තරයකු මා ගැන දන්නේ මොනවාද ? සියඹලාවක පිට පොත්ත අතගා එහි රසය කිය හැකිද ? වසර ගණනාවක් විශ්වාස කල දේවල් එක දිනකින් වෙනස් විය හැකිද ? තවත් කෙනකුගේ ඇතුලාන්තය විනිශ්චයකට භාජනය කිරීමට පිටස්තරයකු හැකිද ?

වසර ගණනාවක අත්දැකීම්වල අගය බිංදුවක් විය හැකිද? පවතින යමක් කළ අයකු හා නොකල අයකුගේ වෙනස කුමක්ද? ජීවිත කාලයකදී උපයා ගත් කීර්තිය ද ධනයද වඩා වටින්නේ ?
එක රැයකින් ඒවා නැතිකළ හැකිද? ගොළුවකු හා කතා කළ හැකි අයකුගේ වාදයක් තිබිය හැකිද? එය සාධාරණද ?

මිනිසෙකුගේ ආත්මය ඔහුගේ වැඩ තුල තිබිය හැකිද ? මාර්ටින් වික්‍රමසිංහ හා මඩොල්දූව වෙන්කල හැකිද ? බර්ටෝල් බ්‍රේස්ට්ගේ නම නොකුයා හෙන්රි ජයසේනට හුණු වටය කළ හැකිද ? දුක්ගන්නාරාළ සහ අහංකාර නගරේ යනු දෙකක්ද ? නිර්මාණයක් සහ නිර්මාණකරුවා වෙන්කර සැළකිය හැකිද ?

මේවාට උත්තර සෙවිය යුත්තේ අනුන්ගෙන් නොව තමා තුලිනි. නිර්මාණයක් නොකළ අයකු එය නොදනී. නිර්මාණකරුවාට නිර්මාණයක් මැණිකකි. නිර්මාණයකට පහරදීම යනු නිර්මාණකරුවා මරා දැමීමට සමානය. සාධාරණ විවේචනයක් යනුවෙන් යමක් තිබේද ? එය සාධාරණ බවට විනිශ්චය කරන්නේ විවේචකයාද ?

තමා තුලට හැරී බලා මිස අනුන් දෙස නොබලන්න යයි කොන්ෆියුසියස් කීවේ ඔහු තුලට හැරී බලාද ? අනුන් යනු තමන් නොවේද ?
එසේ නම් මං සන්ධියකදී තොරාගන්නේ කුමන මගද ?

අනුන්ගේ මගද ? තමන්ගේ මගද ?
තමන් යනු අනුන් නම් යා යුත්තේ අනුන්ගේ මගද ?

මේ වාට උත්තර සෙවීම කලුනික සෙවීමටත් වඩා අමාරුද?
නැතහොත් තමන් අනුන් බව සිතා සතුටු වී ආගමන යාමද ?